زجل : أنا راسم للجنة طريق

* قالوا قوم نرقص على أغنية ... فيها بنات مش متربية

قال لابسة حاجات مش لابساها .... هوه دا فن ولا تفاهة

قلتلهم لا والله أنا أسمع ........ إللى يرضى ربى ونفسى

ولا مرة أنا حتجن وحرجع ... للّى يرخص سمعى وبصرى

أنا عاقل وبعلو الصوت .......... حقطع صلتى بديا قناة

أنا مؤمن مش عايز أموت ...على معصية تمنعنى رضاه

* قالوا جبنالك يلا الشات ..... لم جيران وصحاب وتعالى

دا ما يعرفوا إلا البهوات ........ وحييجى يوم يلا وتتعالى

تقعد ساعة ويا ساعات ........... لا تمل ولا تقول تعبان

وآدى وقتك أهو عدا وفات ........ تقعد فيه زى السكران

قلت يا عالم قلت يا هوه ...... دا الشات والله له إستخدام

مش عارفين تستخدموه .... وبتحرضوا غيركوا على حرام

ليه ما نقولش دا علم كبير ............ نعمة ربنا للإنسان

نستخدمه فى وجوه الخير ........ دا تقدم مش عاوزة كلام

أنا عاقل وبعلو الصوت ............ حبعد عن شر البهوات

أنا مؤمن مش عايز أموت ....... واغرق أنا فى آلام وآهات

* قالوا تعالى نروح السيما ..... ودى لاهى شات ولا أغنية

ندخل بقى فيلم البريمة ............... ولا فيلم الست سنية

دى تمثيلية مش حقيقية ......... شوف الحلو وكنسل غيره

ودى داخل الشاشة الفضية ...... يعنى فى حاجز بينك وبينه

إعقل بقى وتعالى معانا ............... وقلد فيلم تحبه بجد

فى أى حكاية تعيش جوانا .......... وتجربها مع أى حد

قلد أكشن ولا دراما ......... ولا رومانسى دى حاجة تشد

قال ويقولوا دا يوم ويعدى .... مش حيكون دا نهاية عمرك

فين إخلاصى وفين راح عهدى . ومنين أضمن عمرى وعمرك

قلبى ونفسى وسمعى وبصرى ....... أمانة عندى ليوم الدين

راح أهنيهم بطاعة ربى .......... وراح أسعدهم وأبقى أمين

أنا سعيد وأسعد منهم ................ مش حيأثروا أبدا فيا

ولا حيغموا عيونى دول عنهم ....... دانا بشوف النور بعنيا

أنا راسم للجنة طريق ............ حمشى وربى معايا معين

بعرف إمتى أختار لى صديق ..... ونعين بعض ليوم الدين